Kompaniya haqida

Biz haqimizda: «Delta Mikrokredit Tashkiloti» maʼsuliyati cheklangan jamiyati (quyidagi matnda «Delta» Mikrokredit Tashkiloti deyiladi) 2009 yil 29 yanvarda №00263201- son bilan davlat roʼyxatidan oʼtkazilgan boʼlib, Oʼzbekiston Respublikasi Markaziy bankining 2009 yil 16 may 28-sonli litsenziyasi asosida faoliyat yuritadi.

Oʼzbekiston Respublikasi hududida xizmat koʼrsatish sifatini yaxshilash maqsadida «Delta» Mikrokredit Tashkiloti 2018 yilda Toshkent viloyatining Olmaliq shahrida oʼz filialini ishga tushirdi, 2021 yilda esa Toshkent shaxrining Yangi hayot tumanida mikrokredit tashkilotining filiali oʼz ishini boshladi.

Mikrokredit tashkilotining asosiy faoliyati aholi va kichik biznes subʼektlariga ularning ehtiyojlariga javob bera oladigan sifatli mikromoliyaviy xizmatlar koʼrsatishdan iboratdir.

«Delta» Mikrokredit Tashkiloti oʼz faoliyatini Oʼzbekiston Respublikasining “Mikrokredit tashkilotlari toʼgʼrisida”, “Maʼsuliyati cheklangan va qoʼshimcha maʼsuliyatli jamiyatlar toʼgʼrisida”, “Mikromoliyalash toʼgʼrisida” , “Isteʼmol kreditlari toʼgʼrisida” Qonunlari, Fuqarolik Kodeksi, Oʼzbekiston Respublikasi Markaziy bankining normativ hujjatlari hamda boshqa amaldagi qonunchilik normalari asosida yuritadi.

Mikrokredit tashkilotining joriy faoliyati esa Oʼzbekiston Respublikasi Markaziy bankining talablari doirasida ishlab chiqilgan taʼsis xujjatlari va ichki siyosat va protseduralar asosida amalga oshiriladi. Mikrokredit tashkiloti faoliyati ustidan nazorat Oʼzbekiston Respublikasi Markaziy banki tomonidan amalga oshiriladi.